OUTUBRO , MES DAS BIBLIOTECAS

Xa sabemos que outubro  é un mes moi especial para todas as Bibliotecas e a do  noso centro  tampouco é unha excepción. Este ano, pedímoslle a unha gran parte do alumnado que nos fixeran chegar as súas suxestións e recomendacións sobre libros que lle gustaban. Ao mesmo tempo, completamos esta actividade cunha Exposición de libros que nos levan a libros ou que falan de Bibliotecas. 

VISITA GUIADA Á BIBLIOTECA

este ano tamén cumprimos coa tradición  de ensinarlle a Biblioteca aos máis cativos.

Máis de 60 rapaces e rapazas de 1º de ESO acudiron hai uns dias a nosa Biblioteca por primeira vez.

A responsable da mesma, explicoulles a disposición dos libros, onde se atopan os máis interesantes para eles, o funcionamento do préstamo, as distintas normas para o uso do ordenador, etc.. ; as seccións máis visitadas son as dos  Cómics e a de Literatura Xuvenil. Para rematar, tamén se lles informou  da posibilidade de levar  unha Mochila con distintos materiais durante a fin de semana. Tamén quedou constituido un Grupo de Voluntariado  da Biblioteca, integrado por 10 alumnas de 1º de ESO.

LIBROS, AVENTURAS, COMIC´S : AS REGUEIFAS VIAXEIRAS

 Este ano no IES  Nº  1 , tivemos a sorte de contar cun cursiño de Regueifas para os alumnos-as de ESO.

Aquí vos deixamos unha mostra  do que fixeron en 3º de ESO C : cando se mesturan libros, aventuras e seus heroes favoritos.

                     Os  libros  temos  que  ler
                     se  queremos  viaxar
                     Por  mundos  inventados
                     sen  Marte  visitar.



                     Sen  Marte  visitar
                     cun  libro na  man
                     mirando  pola  fiestra
                     vemos  a  Iroman  .

              

                 Cando  en  inverno  chove,

                 cun  libro  de  aventuras

                 viaxamos  polo  Caribe

                 e  tamén  Fuerteventura.

                

                     Cando  leo  Marvel
                     na  praia  no  verán
                     son  Hulk, Deadpool
                     e  tamén  Spiderman.




                     E  tamén  Spiderman
                     coas  súas  arañeiras
                     namora  a  Ollo  de  Falcón
                     e  as  súas  compañeiras.

                             

                        O Joker  na  súa  loucura

                        a   Batman  vai  a  buscar

                        xunto  a  súa  compañeira

                        pallasadas  a  fartar.                 

AHÍ VEN O MAIO

            Ahí  ven  o   maio

            de  froles   cuberto

            puxeronse  a  porta 

            cantandome  os  nenos

            os  puchos  furados

            pra  min  extendendo

            pedironme  crocas

            dos  meus  castiñeiros ..

Son estas as primeiras liñas do fermosísimo poema de Manuel Curros Enríquez  adicado ó mes de maio, que é por otra banda, unha das celebracións máis importantes da primavera ourensá: maio florido e de cantigas;  cando se elaboran tamén esas estructuras cheas de flores, que logo adornan as rúas. Este ano no IES Nº 1 , a contribución a esta fermosa e consolidada tradición , veu da man dos alumnos-as de 2º de ESO e da súa profesora de Língua Galega Ana Lousado.

Coincidindo coa celebración  dos maios fixemos tamen  a nosa pequena contribución á figura que este  ano é homenaxeada  con motivo  das Letras Galegas : Antonio  Fraguas Fraguas.

Antonio Fraguas, o mestre da memoria, foi un importantísimo profesor, etnógrafo, xeógrafo, historiador  e  galeguista. Tamén lle quixemos render unha pequena homenaxe cunha  exposición  onde se amosa  algunha das súas obras máis senlleiras, xunto as distintas coleccións publicadas  polo Museo do Pobo Galego,  tan vencellado á figura de Antonio Fraguas. A exposición se complementa con outros libros sobre costumes, xogos, lendas, etc..  de Galicia.

LEDICIA COSTAS NO IES Nº 1

No  IES  Nº 1 estamos ultimamente de noraboa: esta vez, recibimos a visita de Ledicia  Costas,  escritora xa moi coñecida no centro. Veunos a   falar  do seu ultimo libro :  "  A Balada dos unicornios  "  A escritora nos comenta que os nomes das personaxes teñen que ser axeitados á  forma de ser dos mesmos. Tamén nos dí que á hora de escribir , o que máis traballo lle da é elexir os nomes das personaxes e os títulos dos libros.

                                                              Ledicia se confesa admiradora  dos temas e persoeiros " macabros ", por iso , en moitas  das súas historias aparecen personaxes como  Jack  o Destripador, que aterrou  o Londres victoriano de mediados do século XIX, e que está considerado como o primeiro asasiño en serie do que se ten memoria. Outro dos temas que lle gusta tratar é o papel das mulleres científicas , que seguen a ser invisibles se as comparamos cos seus compañeiros homes: fálanos por exemplo do curioso caso de Heddy  Lamar, que triunfou como actriz no Hollywood dos anos 30 e 40 do século XX.  Por contra , é moito menos coñecida a súa faceta como matemática e programadora, sendo unha das pioneiras na invención do wifi. Por iso,  a protagonista do libro é unha muller inventora. Despois do animado coloquio entre a escritora  e os alumn@s  , rematamos por facer unha fotografía todos xuntos con ela , como tamén ocorrera na visita do día anterior coa escritora Eva Mejuto

                                           

A VISITA DE EVA MEJUTO

                                                                                                 

Esta semana recibimos a visita da escritora Eva  Mejuto, que veu falar de seu libro  :  "  Memoria  do  silencio  ".   Baseado en feitos reais, a trama do mesmo se desenvolve moi perto de aquí : na  vila de Ribadavia , no verán de 1943. Novela a tres voces que explora, entre ficción e realidade, un capítulo pouco coñecido do nosos pasado recente: Galicia durante a II Guerra Mundial. Básicamente é a historia de tres mulleres de Ribadavia que axudan a cruzar a fronteira con Portugal a varios grupos de xudeos .

A escritora subliña que non ten moi claro se esta novela é un libro xuvenil ou de adultos. Tamén nos conta que aínda que tentou documentarse en Ribadavia sobre a historia das mulleres, elas parece que xuraron gardar silencio, non deixando na vila constancia escrita dos feitos. Aínda así, a escritora considera que é ese papel de heroínas anónimas o que hai que rescatar do silencio.  Eva Mejuto nos conta que o que máis lle interesa é a perspectiva humana das personaxes, e reivindicar nas novelas os feitos importantes que levaron a cabo  personas que nunca van aparecer nos libros de historia.

Dous exemplos Centenarios do Traballo das Mulleres na Comarca do Carballiño: As Pulpeiras de Arcos e as Panadeiras de Cea

Non nos trabucamos se dicimos que o Mosteiro de Oseira,  moi perto do Carballiño,  foi a orixe dalgúns dos oficios máis antigos que perviven na nosa comarca  e que ademais lle dan merecida sona fora de Galicia: o Pan de Cea e o  Pulpo de Arcos.

Monumento ás Pulpeiras de Arcos. Concello do Carballiño

O pulpo é un dos produtos máis importantes da cociña galega. 

Monumento ás panadeiras de Cea. Concello de S.Cristovo de Cea

A orixe desta contadicción está no feito de que este preciado cefalópodo era o pagamento que facían en especie os veciños do porto de Marín ao Mosteiro de Oseira na Idade Media, xa que nesa época as posesións da orde Cisterciense de Oseira chegaban á carón do mar. Os veciños da parroquia de Arcos encargábanse do seu transporte dende a costa, preparábano e vendíano nas feiras de Cea e Carballiño creadas e institucionalizadas tamén polos frades de Oseira.
 O mellor acompañamento do pulpo é o Pan de Cea, vencellado tamén ao Mosteiro de Oseira e as feiras da comarca. Estes dous oficios centenarios na súa orixe son levados a cabo por mulleres e como actividades complementarias á economía familiar: se consideraban  máis importantes as actividades que facían os homes, mentras que vender o pulpo ou o pan polas feiras, eran actividades que facían maioritariamente as mulleres hasta hai ben pouco. Hoxe pode decirse que estes traballos feitos polas mulleres amosaron unha grande capacidade de resistencia, dinamismo e adaptación   ós novos tempos, sendo na actualidade a base da economía de moitas familias nas comarcas de Cea e Arcos.

" A Ínsua dos Poetas " : auga, árbore e poesía

Este 22 de marzo o noso centro foi convidado xunto con todos os centros educativos da comarca do Carballiño a participar na VII edición do Día da Árbore, a Auga e a Poesía.

recitando a Manuel María acompañados da guitarra

A Ínsua dos Poetas, é un fermosísimo espazo natural cheo de árbores e esculturas creado e  impulsado polo profesor e poeta Luís González Tosar moi perto do Carballiño. Dende fai oito anos todos os centros educativos da comarca están chamados a participar nun acto que ten lugar entre o 21 e o 22 de marzo, coincidindo co Día da Árbore, tendo tamén como elementos moi siñificativos a Auga e A Poesía. Máis de 300 escolares participaron este ano cantando, recitando e escenificando distintos fragmentos dalgúns dos máis importantes escritores galegos.

alumnos-as do IES Nº 1 prantando un carballo

Nesta edición, tamén se lle rendeu homenaxe a Manuel Amil Otero, profesor e director do IES Nº 1 durante tantos anos , que foi pioneiro en colaborar con esta festa..

Hai que dicir que o tempo acompañou e tivemos un fermosísimo día. Para rematar, e como xa é unha tradición neste acto, cada centro procedeu a prantar a súa árbore, como símbolo  deste Patrimonio Natural que todos debemos acrecentar e respetar