Encontro con Miguel Anxo Fernández

O mércores, 14 de Decembro, os alumnos/as de 4º eso pertencentes ao Club de lectura histórica ARGENTARIUM, recibiron a visita do escritor Miguel Anxo Fernández. O autor faloulles dos acontecementos históricos nos que se inspirou e dos lugares nos que se desenvolve  o relato que estiveron a ler, "O sangue dos Cortiña" e que forma parte da colección de relatos sobre a Guerra da Independencia recollidos na súa obra "O sabre do francés". 

Despois dunha animada charla, houbo firma de libros e a nosa alumna Lara, agasallou o escritor cun retrato que ela fixo durante o encontro.

Club de Lectura Histórica."O sangue dos Cortiña"

O Club de lectura de Historia, celebra estes días novas reunións para preparar a visita do escritor local Miguel Anxo Fernández, que lles falará da novela que estiveron a ler "O sangue dos Cortiña". Nel cóntasenos a historia de Pedro Cortiña e a loita contra a invasión de Galiza polo exercito napoleónico. ''O sangue dos Cortiña'' é un relato privilexiado daqueles anos de ocupación francesa e tamén da mítica solidariedade e da grandeza dunha loita de liberación. Un episodio centrado nas terras que baña o río Avia.

                                     

Os Biblioguías decoran o Nadal.

As nosas voluntarias e voluntarios da Biblioteca (os Biblioguías) andan estes días a voltas coa decoración de Nadal. O certo é que lles está a sair moi ben. Aquí tedes unha mostra do seu traballo. 

¡Que faríamos sen vos!

Club de lectura "Argentarium" no Concello.

 As rapazas e rapaces do Club Argentarium deixaron unha mostra do seu bo facer, nun día tan sinalado como o 25 N. Representaron ao noso Ies no acto institucional que todos os anos organiza o Concello do Carballiño xunto co resto de centros de ensino da contorna. Todo un éxito a súa teatralización do poema de Rosalía , "A xustiza pola man".Grazas a todos/as.

25 N. A XUSTIZA POLA MAN.

Os alumnos do Club de Lectura "Argentarium" dirixidos pola sua profesora de galego, Isabel Álvarez elaboraron este video con motivo da conmemoración do 25 N. Eles mesmos nos explican esta actividade.

 Poema "A xustiza pola man" Rosalía de Castro.

 

 

"Quérote sen Violencia". 25 N.

Aquí tedes un adianto do que mañá vos atoparedes no Instituto. Baixo o lema "Quérote sen violencia", o equipo da Biblioteca xunto cos alumnos de 4º A-B, elaboramos unha colección de frases referidas tanto as agresións verbais que sofren as mulleres como as súas posibles respostas. Con elas "empapelamos" as escaleiras de acceso o centro e as aulas. 

A  nosa "Volvoreta da liberdade" foi elaborada polos alumnos do obradoiro de papiroflexia, baixo a dirección da súa  profesora Carmen Sánchez.

 

                                  

Exposición 25 N.

 Xa está na Biblioteca a nova exposición de libros de temática feminista, con motivo do Día internacional da eliminación da violencia contra a muller. 

¡Animádevos a visitala!

 

25 de Novembro. Día internacional da eliminación da violencia contra a muller. Corredor para Feminicidas.

Comezamos as actividades para conmemorar este triste día. Esperemos que nunca máis teñamos que facer unha publicación semellante, xa que isto suporía a eliminación de tantas mortes sen sentido.

O equipo de Igualdade xunto co equipo da Biblioteca, quixemos facer visible e poñer nomes a  tanta violencia, por iso creamos o noso particular "Corredor da Morte", enchendo os principais corredores do centro, coas necrolóxicas das mulleres e nenos asasinados entre os anos 2014-2022.

Esta mostra forma parte doutras iniciativas que iremos publicando nos vindeiros días.

 

 

Novembro.Mes da Ciencia en Galego.

Celebramos o mes da Ciencia en Galego na biblioteca, cunha mostra dos fondos sobre diversas materias científicas que atoparedes nos nosos andeis. Atoparedes tamén no taboleiro da Biblio os últimos manifestos dos científicos galegos, que rememoran este día.

 Esperamos que vos gusten....

 

Celebración Sta. Cecilia 2022

Aquí tedes un pequeno resumo fotográfico e de video da celebración do Día da Música e a súa patroa Sta. Cecilia. Os nosos alumnos alegráronnos o día con este bonito concerto.

 

                                    

   ¡GRAZAS EREA, ANTÍA, PABLO e ANXO!

Concerto Sta. Cecilia 2022

Por mor da celebración de Sta.Cecilia (Patroa da Música) o Departamento de Música e os alumnos do centro que se forman no Conservatorio da nosa vila, organizaron un concerto que terá lugar  nos dous recreos do Martes 22 de Novembro. As profesoras do Departamento e os integrantes do equipo da Biblioteca prepararon  un fermoso escenario.   

                                                ¡NON FALTEDES Á CITA!

Club de Lectura ARGENTARIUM.

 ¡ XA ESTAMOS DE VOLTA !

O Club de Lectura "ARGENTARIUM" do I.e.s  Nº 1, baixo a coordinación da profesora de Xeografía e Historia, Nieves Abelleira, inicia unha nova andaina lectora. Este ano contamos con varios grupos que traballarán diferentes temáticas. Así: Antón Carballude, dirixirá as reunións de alumnos que tratarán temas relacionados coa Cultura Clásica, Isabel Álvarez xunto con Xiana Lastra traballarán a Lingua  e Literatura Galega con alumnos de 3º eso, e Nieves Abelleira centrarase na temática histórica con alumnos de 4ºeso e 1º de Bacharelato.. 

 Esperamos a vosa participación nestes grupos de lectura, e xa sabedes........

SE QUERES AVENTURA.....LÁNZATE Á LECTURA.

 

Concurso de Cabazas e Disfraces.

Concurso de Disfraces e Cabazas organizado con motivo do Samaín. Sodes todos uns grandes artistas.