"Voces da Acrópole". Conferencia de Noelia Míguez.

Este Venres , día 10 de Marzo, no marco do proxecto "Voces da Acrópole" estivo con nós,  a escritora Noelia Míguez para falarnos sobre a violencia de xénero, e presentarnos a obra que recolle a súa historia de supervivencia, Oito sinales, escrita xunto á xornalista de La Voz de Galicia Patricia Calveiro.Trátase dun libro que recolle a traumática relación de Noelia Míguez cun home que, tras tres anos de malos tratos continuados, acabaría asestándolle oito puñaladas á temperá idade de 22 anos.

Asistiron as charlas os alumnos de 3º e 4º da ESO e 1º e 2º de BACH. Foi moi duro e interesante escoitar a súa experiencia.

Dámoslle as grazas pola súa xenerosidade.

LISÍSTRATA

Para celebrar este 8M compartimos este videoclip da canción "Lisistrata" de Fillas de Casandra que realizou o noso alumnado de 3º  da ESO no marco do proxecto "Voces da Acrópole". Un proxecto interdisciplinar desenvolvido no centro para achegarmos á figura da muller a través do estudo de diversas figuras femininas da antigüidade clásica. Contamos para isto, coa colaboración de Lucas Terceiro, profesional do audiovidsual galego que impartíu dúas sesións de guión e acompañou ao alumnado na gravación, cedendo o seu material profesional e poñendo o seu talento na edición deste vídeo.

8M. Día da Muller. "AS VOCES DA ACRÓPOLE"

Dende o I.e.s Nº 1 celebramos o Dia da Muller cun proxecto interdisciplinar proposto pola profesora do Departamento de Lingua e Literatura Galega, Xiana Lastra.

Parte deste proxecto, o Videoclip, realizado polos alumnos de 3ºeso e do Club de Lectura,  representará ao noso centro nos actos que o día 8 de Marzo se celebrarán no Concello da nosa vila. 

Aquí vos deixo un pequeno resumo de todas as actividades previstas.