Xa chega o Samaín!!! Programa 2024.

 

Celebración do Día das Bibliotecas 2024.

Aquí tedes unha pequena mostra das actividades desenvoltas na Biblioteca "Lecer do Ler" neste 24 de Outubro. Despois de ler o manifesto de Agustín Fernández Paz, o equipo directivo agasallou aos alumnos con doces e caramelos. Houbo reparto de marcapáxinas e unha gran animación durante os dous recreos. 

Por un futuro sostible e lector. Biblioteca "Lecer do Ler"

Día das Bibliotecas. 24 de Outubro 2024

Día das Bibliotecas 2024: Por un futuro sostible

O lema deste ano, "Por un futuro sostible", pretende destacar o papel fundamental que desempeñan todas as tipoloxías de bibliotecas (públicas, escolares, universitarias, especializadas e nacionais/rexionais) na consecución dos Obxectivos de Desenvolvemento Sostible da Axenda 2030.

 

As bibliotecas escolares amosáronse, e continúan facéndoo, como unha ferramenta ao servizo da comunidade educativa ofrecendo recursos, información e apoio,  lugares que contribúen á formación dunha cidadanía crítica, activa e comprometida. O seu traballo de deseño e planificación de actividades e servizos desenvólvese cunha perspectiva de Axenda 20230 poñendo o foco en que ninguén das nosas comunidades educativas debe quedar atrás.

 

A biblioteca escolar, esa biblioteca pola que pasan todas as nenas e todos os nenos do país, a primeira biblioteca que lles aprende, tamén, a usar outras, que os pon en contacto con eses outros espazos do coñecemento e do lecer, eses lugares nos que pasan moitas cousas, que son as bibliotecas públicas, eses lugares que están sempre ao noso carón: as BIBLIOTECAS. 

 

Achégate  á  biblioteca do noso centro, "Lecer do Ler", e celebra con nós este importante día.