Mes da Ciencia en Galego. Xogos de Lóxica.

Rematamos as Xornadas de Ciencia na Biblio cunha divertida actividade, dirixida de novo por Carmen , profesora de Matemáticas do IES. Os Xogos de Lóxica mantiveron durante o segundo recreo deste Xoves , a nosa atención. De novo, a participación foi alta e o recreo fíxose curto para desenvolver esta actividade final.

O ano que ven, máis e mellor.

Mes da Ciencia en Galego. Papiroflexia con Carmen.

 

Continuamos coas Xornadas de Ciencia na Biblio. Desta vez, Carmen Sánchez, profesora de matemáticas, invitounos a participar dun interesante de divertido OBRADOIRO de PAPIROFLEXIA. 

 

OS RECREOS NA BIBLIOTECA NON PODEN ESTAR MÁIS ANIMADOS.....

 

Mes da Ciencia en Galego. Experimenta con Josevi e José Manuel.

Iniciamos as II Xornadas Científicas na biblio "Lecer do Ler" da man de Josevi e José Manuel, profesores de Física e Química do centro. Durante os recreos deste martes, 26 de Novembro, mostráronnos exemplos de magnetismo e fixeron interesantes experimentos de química que nos tiveron concentrados e atentos a todos os asistentes. 

O noso voluntario Gabriel, alumno de 2º de Bacharelato, deu inicio a estas Xornadas, lendo o manifesto de Felipe Criado-Boado, arqueólogo e director do Instituto de Ciencias do Patrimonio do CSIC, e premio nacional de investigación 2023.

 

 

25 N. Día da eliminación da violencia contra as mulleres.

Seguimos conmemorando o Día da Eliminación da Violencia contra as mulleres no IES Nº1 do Carballiño e na Biblioteca "Lecer do Ler". Desta vez, os alumnos de 4º ESO D, voluntarios tamén da nosa biblioteca, elaboraron unha serie de murais reivindicativos que adornaron os corredores do centro, así como un video que complementou este gran traballo. 

Aquí vos deixo unha mostra de todos os materiais elaborados polos nosos voluntarios de 4º D.

25 N na Biblio. Punto Violeta.

Na Biblioteca "Lecer do Ler" estamos a estrear o PUNTO VIOLETA. Neste punto, poderedes atopar lecturas cuxas temáticas buscan previr a violencia de xénero, mostrar a diversidade sexual e novos modelos familiares. Libros que reforzan a autoestima, visibilizan as mulleres na historia, amosan novas masculinidades, traballan a educación afectivo-sexual e loitan contra a homofobia e o acoso escolar. Xa a vosa disposición.....

 25 de Novembro. Pola eliminación da violencia contra as mulleres.

Iniciamos a Semana da Ciencia en Galego na Biblioteca. Grazas pola colaboración, aos profesores que forman o Club de Ciencias do IES. As actividades  terán lugar nos primeiros recreos da semana do 26-28 de Novembro na biblioteca "Lecer do Ler" 

¡Animádevos a participar e desfrutade destas xornadas científicas! Aquí vos deixo o calendario das mesmas.

 

Benvida aos novos usuarios.

Un ano máis recibimos aos novos alumnos de 1º ESO. Estreamos novos usuarios na biblio "Lecer do Ler"e esperamos que desfrutedes deste espazo tanto coma nós.

Benvidos !!!

 

Gañadores CONCURSO de CABAZAS. Samaín 2024.

 

Grazas a ANPA pola súa colaboración no Concurso de  Cabazas do Samaín.

Os gañadores foron:

- 1º Premio: Iria de 2º ESO. (Arriba esquerda)

- 2º Premio: Martina de 2º ESO. (Abaixo esquerda)

- 3º Premio: Noel de 1º ESO (Arriba dereita)

Parabéns e a disfrutalo !!!

Concurso de Cabazas. Samaín 2024

Cal será a gañadora?????

 
                            ????