miércoles, 19 de febrero de 2014

PREPARANDO O DÍA INTERNACIONAL DA MULLER TRABALLADORA

O día  oito  de marzo, como todos os anos, temos unha cita ( é unha obriga ) de lembrar as mulleres en xeral, que aínda en pleno século XXI seguen sen conquerir a plena  igualdade de oportunidades, tamén aquí , no chamado " primeiro mundo ", onde unha boa parte das mulleres seguen tendo moitos atrancos á hora de conciliar a vida laboral e a familia, maior dificultade para acceder ao mercado laboral, onde , moitas veces, reciben menor salario por facer o mesmo traballo que un home, e mesmo un acceso moito máis restrinxido para acceder a postos directivos. Pero a desgraza é que en moitísimas partes do mundo, a muller segue a vivir nunhas condicións de pobreza extrema: a falla de oportunidades para o seu desenvolvemento como ser humano é total..Sobre algunhas destas cuestións, 
estamos traballando estes días con alumnos-as de 1º e 2º de ESO. Como xa fixemos outros anos, faranse pequenos traballos de documentación : sobre a historia das mulleres, algunhas biografías, mulleres en cifras, como recolle o cine a problemática feminina, as mulleres científicas e tamén un pequeno homenaxe ás mulleres traballadoras da comarca do Carballiño. Con todo isto, faremos uns paneis , que se colocarán  por todo o centro.Un alumno de 1º de ESO fará tamén un cómic alusivo e se visionarán tres vídeos feitos polos alumnos que integran  O Equipo da Biblioteca.

No hay comentarios:

Publicar un comentario