jueves, 21 de mayo de 2015

O ROTEIRO POÉTICO DE MANUEL MARÍA

O  14  de  maio,  coincidindo case coa data da conmemoración das Letras  Galegas , celebramos o Roteiro Poético  no Carballiño : os rapaces e rapazas dos centros de ensino da vila, leron versos de   Manuel  María, poeta da Terra Chá pero moi vencellado por amistade ó Carballiño, de tal xeito que compuxo máis de trinta poemas, recollidos no seu libro: "  Cantigueiro de Orcellón "
 
O periplo  iniciouse no Balneario, lendo un poema sobre o Río Arenteiro, seguimos  pola Igrexa da Veracruz.
 
O  TEMPLO  DA  VERACRUZ.
 
Na vila do Carballiño
un bosco de pedra e luz,
nube, silencio, camiño:
¡ o templo da Vercruz !
 
Voltóuse a pedra oración,
arte prós tempos vindeiros:
¡ eiquí quedóu a canción
dos marteles dos canteiros ! ..
 
 
Seguimos a ruta  pola Praza Maior, Fonte do Concello, Fonte de Flores, onde se leron os poemas que Manuel María lle dedicou a todos  estes recunchos  do pobo, acompañados polas notas da guitarra dunha das profesoras que participaba  no  roteiro . Rematamos nun dos lugares máis emblemáticos do " vello Carballiño " :  A  Eira de Flores , onde se cantou o himno galego e se recitaron as derradeiras estrofas do poema : Canción da Eira de Flores:
 
Na  Eira de Flores
 
Eira de flores,xentil,
labradora e feirante,
engado puro e sotil
entre quedo e camiñante.
 
Tés o hórreo e o cruceiro,
unha rúa toda en costa,
moita xente no estranxeiro
e perguntas sin resposta.
 
Eira de Flores, amiga
da Fonte Municipal:
¡ cómo relembras a espiga
de louro trigo  candeal |
 
Dende aquí quero agradecer a todos os alumnos-as do IES Nº 1 que participaron no roteiro: Nerea Carreiro, Adrián López, Antía Expósito, Enma González, Ramón Pérez, Laura Pinal, Abril Ciociola e Esteban Decabo, a súa colabroación con andaina incluída.
Lembrar aquí tamén, e darlle as gracias  a  Eduardo Bernárdez da  Asociación Cultural Avantar, que é o auténtico impulsor e mantedor desta actividade.
 
 

No hay comentarios:

Publicar un comentario