50 ANIVERSARIO DO IES NÚMERO 1

 O día 27 de xullo de 1976, inaugurouse en O Carballiño o I.E.S. Número1, polo que este ano estamos de celebración.

Para celebrar o 50 aniversario do instituto, e as cinco décadas construíndo futuro , o centro ten preparados varios actos, e ponencias ao longo do ano. Os distintos departamentos organizaron charlas-conferencias nas que antigos alumnos, profesores contan o seu paso polo IES.

Organizouse un acto oficial conmemorativo destas cinco décadas o día 17 de outubro de 2026, e a NOSA BIBLIOTECA tivo un lugar especial na visita ás instalación do centro, onde moitos estudantes e profesores de estes 50 anos recordaron os seus tempos  no Número 1.

19 de outubro - DÍA DAS ESCRITORAS

 O día 19 de outubro, celebrouse o día das escritoras, co lema:

AS AMIGAS COMO FORMA DE LIBERDADE 

 O Día das Escritoras é unha iniciativa  organizada entre a Biblioteca Nacional de España, a Federación Española de Mujeres Directivas e Executivas Profesionais e Empresarias (FEDEPE) e a Asociación Clásicas e Modernas, asociación para a igualdade de mulleres e homes na Cultura. Ademais, contará coa colaboración de Asociación Colexial de Escritoras e Escritores (ACE), o Centro Español de Dereitos Reprográficos (CEDRO) e o Instituto das Mulleres. Desde 2016 búscase reivindicar o labor e o legado das escritoras a través da historia.

Este ano o obxectivo é celebrar o centenario do Lyceum Club Feminino, institución que serviu de soporte para a participación das mulleres na vida intelectual, artística e pública desde o ano 1926. Mulleres da talla de María de Maeztu, Clara Campoamor, Victoria Kent, Zenobia Camprubí ou María Lejárraga foron algunhas das súas fundadoras e colaboradoras.

A undécima edición poñerá o foco nas redes de apoio, complicidade e creación compartida que fixeron posible o desenvolvemento de moitas escritoras e intelectuais e que continúan sendo fundamentais para o avance da igualdade.

 

TRÍPTICO DE INFORMACIÓN DA NOSA BIBLIOTECA

TRÍPTICO DE INFORMACIÓN PARA USUARIOS

XORNADAS DE FORMACIÓN DE NOVOS USUARIOS PARA ALUMNADO DE 1º ESO

Durante as primeiras semanas de outubro, e nas horas de titoría, ou cos titores de 1º da ESO, fixemos unhas xornadas de formación para os novos usuarios.

En estas sesións coñecimos a biblioteca, os seus fondos, libros, xogos, tablets..., e fixeron un pequeno xogo para poñer en práctica o aprendido.

Esperamos contar coa vosa presencia pronto. 

Benvida a toda a comunidade á BIBLIOTECA "LECER DO LER"

BENVIDO CURSO 2026 - 2027!!!!

Xa iniciamos un novo curso, cheo de novas aventuras,e a BIBLIOTECA do IES Nº1, "LECER DO LER", espérate para poder compartilas contigo.

 

Roteiro "Frank Soutelo". Club de Adultos.

Rematamos a intensa actividade do Club de Lectura de Adultos, cun roteiro polo Carballiño e comarca, percorrendo algúns do escenarios onde se desenvolven as aventuras do famoso detective que da nome ao noso Club. 

Como remate deste día de convivencia, lectura e amizade, nada mellor que unha boa paparota para repoñer forzas.

Esperamos retomar estes encontros literarios no vindeiro curso, con máis e mellores actividades. 

Boas, relaxadas e lectoras vacacións para tod@s.

 

Club de Lectura Frank Soutelo. "Resistencia" Rosa Aneiros.

Nova reunión do noso Club de Adultos, Desta vez desfrutamos dunha interesante tertulia sobre o libro "Resistencia de Roasa Aneiros, con puntos de vista moi variados e as veces diverxentes.

Foi ademáis unha tarde de sorpresas, xa que o noso querido padriño Miguel Anxo Fernández agasallounos coa súa última publicación , un libro de relatos curtos  do cal, é copartícipe.

E como remate final, non faltou a paparota  elaborada pola nosa compañeira Isabel, que está feita toda unha reposteira. Non se pode pedir máis.....