BENVIDO CURSO 2026 - 2027!!!!

Xa iniciamos un novo curso, cheo de novas aventuras,e a BIBLIOTECA do IES Nº1, "LECER DO LER", espérate para poder compartilas contigo.

 

Roteiro "Frank Soutelo". Club de Adultos.

Rematamos a intensa actividade do Club de Lectura de Adultos, cun roteiro polo Carballiño e comarca, percorrendo algúns do escenarios onde se desenvolven as aventuras do famoso detective que da nome ao noso Club. 

Como remate deste día de convivencia, lectura e amizade, nada mellor que unha boa paparota para repoñer forzas.

Esperamos retomar estes encontros literarios no vindeiro curso, con máis e mellores actividades. 

Boas, relaxadas e lectoras vacacións para tod@s.

 

Club de Lectura Frank Soutelo. "Resistencia" Rosa Aneiros.

Nova reunión do noso Club de Adultos, Desta vez desfrutamos dunha interesante tertulia sobre o libro "Resistencia de Roasa Aneiros, con puntos de vista moi variados e as veces diverxentes.

Foi ademáis unha tarde de sorpresas, xa que o noso querido padriño Miguel Anxo Fernández agasallounos coa súa última publicación , un libro de relatos curtos  do cal, é copartícipe.

E como remate final, non faltou a paparota  elaborada pola nosa compañeira Isabel, que está feita toda unha reposteira. Non se pode pedir máis.....

 

“Circe ou o pracer do azul”,

 HOMENAXE A BEGOÑA CAAMAÑO

No seu libro “Circe ou o pracer do azul”, Penélope, mentres tece ve como se achega aos seus aposentos un paxaro máxico. Este paxaro tráelle debaixo dunha pluma  dunha á unha mensaxe de Circe que lle di que Ulises, marido de Penélope, non está morto e vive con ela.

Isabel, a nosa profe de Lingua e Literatura galega, tecendo o noso paxaro máxico

Ledicia Costas co Club de Lectura "Frank Soutelo"

No Club de Lectura Frank Soutelo estamos de sorte. A nosa admirada escritora Ledicia Costas, tivo o enorme detalle de adicarnos estas fermosas verbas, despois da súa visita ao Carballiño. Para nós foi un pracer, ainda que doloroso pola súa temática, adicar varias sesións do grupo de adultos o seu libro "Un animal chamado néboa". 

Moitas grazas Ledicia por lembrarte de nós.

 

Roteiro Manuel María 2026.

O Roteiro Manuel María percorre diversos puntos do noso pobo, o Carballiño, onde Manuel María se inspirou para escribir o seu libro "Cantigueiro do Orcellón". Pódense  ler anacos desta obra inscritos en placas e fontes.

O alumnado de 2º ESO participou no Roteiro Manuel María 2026 Poemas, literatura , sentimentos e emocións espallados en galego polas nosas rúas. 

Un fermoso día adicado á poesía e á literatura galega.

 

Premios Canguro Matemático 2026.

 

 O PAXARO MÁXICO E O DÍA DAS LETRAS GALEGAS

 

HOMENAXE A BEGOÑA CAAMAÑO

 

Dende o Departamento de LGL e dende o EDLG,coa colaboración da Biblio "Lecer do LER", queremos invitarvos a que participedes dunha pequena homenaxe a Begoña Caamaño, a escritora á cal se lle dedica este ano o Día das Letras Galegas. 

 No seu libro “Circe ou o pracer do azul”, Penélope, mentres tece ve como se achega aos seus aposentos un paxaro máxico. Este paxaro tráelle debaixo dunha pluma  dunha á unha mensaxe de Circe que lle di que Ulises, marido de Penélope, non está morto e vive con ela.

 

 Queremos reproducir pois, este fragmento e animámosvos a que escribades detrás dunha pluma que vos daremos coas instrucións, aquilo que vos apeteza: un desexo, un anhelo, unha esperanza, unha sentenza, frase ou oración que vos guste moito, uns versos, un poema, unha canción, etc. Pode ser en calquera idioma.

 Axudádenos a que este paxaro que fixo o noso compañeiro de EpeV, José Miguel, voe alto e libre e leve as vosas misivas a onde él queira.

 Moitas grazas

Departamento LGL e EDLG. Biblioteca "Lecer do LER".

Quen quere ser Matemátic@ 2026?

O pasado 24 de Abril, a nosa Biblioteca "Lecer do Ler", acolleu a 27 alumn@s de ESO e Bacharelato para participar nun concurso organizado polo Club Olímpico de Mates-USC "Sementeira", baixo o título de  "Quen quere se Matemátic@ 2026?

Á espera dos resultados das probas , quen sabe se algún futuro matemático sairá do noso centro....

Día do Libro 2026. Amigo invisible literario.

Continuamos coa celebración do Día do Libro 2026 na biblio "Lecer do Ler".

Desta vez e un ano máis, parte do equipo docente e equipo da biblioteca, intercambiamos agasallos literarios cheos de orixinalidade e bos desexos. Unha festa literaria onde non faltaron as sorpresas e o bo xantar de parte de Adela e Carlos.

¡Feliz Día do Libro 2026!

 

Día do Libro 2026. "Os lectores recomendan"

Na Biblio "Lecer do Ler" iniciamos as celebracións polo Día do Libro 2026, cunha interesante mostra fotográfica con recomendacións lectoras feitas polos nosos usuarios, alumnos todos eles de 3º ESO. 

Esta mostra atópase nos pasillos  de acceso á biblioteca e foi realizada íntegramente polos alumnos voluntarios da mesma. 

Esperamos que vos guste tanto coma nós.

Aquí atoparedes un video-resumo da mesma.

Club de Lectura Frank Soutelo. "Un animal chamado néboa"

De novo unha amena e agradable tarde no noso Club de Adultos Frank Soutelo.

Despois do debate sobre o libro "Un animal chamado néboa" de Ledicia Costas, de novo desfrutamos da presenza de Miguel Anxo Fernández, que nos afreceu desta volta, unha interesante charla sobre a película visionada con anterioridade, "Vencedores o vencidos" comentando os aspectos cinematográficos máis relevantes da mesma.

Miguel Anxo agasallou as integrantes do Club cun exemplar da súa novela "Tres disparos e dous friames"da saga Frank Soutelo.  Agradecemos moito a súa implicación co noso Club, xa que  é un privilexio contar coa súa presenza.  

 

Club de Lectura Frank Soutelo. Tarde de Cine.

 

O Club de Lectura Frank Soutelo desfrutou dunha tarde de cine, co visionado da película "Vencedores o vencidos", e moi especialmente coa charla tan amena como interesante que o noso compañeiro Xesús Témez nos ofreceu sobre aspectos xurídicos relacionados con esta película, dos que él é tan bo coñecedor.

8M Día Internacional da Muller.

Hoxe celebramos o Día Internacional  da Muller  cun recital de poesía a cargo de alumnas de 2º ESO.Esta escolma poética tivo lugar nos periodos de lecer de hoxe luns na nosa biblioteca, e serviu de conmemoración desta data tan importante. 

Así mesmo, tamén participamos no acto que organizou o Concello do Carballiño,sumándonos ao compromiso colectivo de seguir reclamando os mesmos espazos de xustiza e igualdade para todas as mulleres.

Presentación resumo de todas estas actividades.

 

Encontros PLAMBE 2025-26

 

Un novo ano a Biblio do IES Nº 1 estivo presente nos Encontros PLAMBE que se desenvolveron no Palacio de Congresos de Santiago de Compostela o día 5 de Marzo. Charlas e encontros con autores, para estar ó día das novidades e logros das bibliotecas escolares galegas.

Día de Rosalía. Un Pensamento ....un Verso.

Un Pensamento....un Verso.

Celebramos o Día de Rosalía cunha proposta dos alumnos de 1º ESO, que escolleron e ilustraron unha escolma de poemas da nosa autora, baixo o título de "Un Pensamento....un Verso". Algúns deles, incluso se animaron a facer as súas propias poesías, engadindo estrofas aos poemas escollidos.

Esta escolma serviu de base para a decoración da biblioteca, xunto cunha exposición dos libros máis representativos da autora.

Grazas a todos por participar tan activamente na conmemoración desta efeméride.

 

Hai unha mensaxe para tí ! III Edición.

Un ano máis, e xa van tres, celebramos o San Valentín, cunha mensaxe para tí. Os nosos cupid@s- voluntari@s, encargáronse de facer chegar mensaxes cheas de amor aos seus destinatarios e destinatarias, que os recibiron encantados. Esperamos que a tradición continúe e o amor reine de novo no noso querido centro. ❤❤❤❤❤❤

Entroido 2026

 

Xa chegou o Entroido  ao IES Nº1, co estreo do novo grupo de percusión, formado polos alumnos de 2º ESO. A festa de disfraces 2026 foi rachada e a batucada non deixou de soar.

Grazas a todos os participantes e ao Departamento de Música por esta animada actividade.

                   

Club de Lectura Frank Soutelo.

 

O Club de Lectura do IES, cambia de nome. 

Ante a exitosa acollida do novo Club Lectura de Adultos e por decisión de toda a comunidade lectora que ata de agora conformaba o Club "Argentarium", decidimos cambiar o noso nome polo de "Club de Lectura Frank Soutelo" en honra ao noso padriño e creador desta personaxe, Miguel Anxo Fernández.

Na publicación anexa, tedes unhas palabras de agradecemento de Miguel Anxo, aínda que en realidade o agradecemento é noso por contar sempre coa súa boa disposición e colaboración. Un privilexio para nós que sexas o noso padriño e xa sabes que esta é a túa casa.

"En Tempos de guerra construamos Muros de Paz".

"En Tempos de guerra  construamos Muros de Paz".

Este alegato dos nosos alumnos da ESO,  convida a rexeitar a lóxica da violencia, apostando por unha paz baseada no amor, a xusticia e o desarme integral das relacións humanas. A PAZ non pode estar baseada no medo ou na disuasión armada, senón no desarmamento da violencia, no amor  e na educación. Por iso, debemos construír "muros de paz" mediante o diálogo, a empatía e a esperanza nun contexto global de conflitos.

Na entrada do IES, atoparedes unha escenificación deste lema, creada polos alumnos de 2º-3ºe 4º ESO, para a cal contaron coa colaboración do Departamento de Lingua e Literatura galega, e pola Biblioteca  do centro.

Déixovos un pequeno vídeo de mostra desta actividade

¡Xuntos pola diversidade!

Un ano máis tivemos o pracer de recibir na Biblio "Lecer do Ler" á Asociación ASPADISI, que xunto cos alumnos de 1º ESO, desenvolveron un fermoso taller de mácaras de entroido que próximamente decorarán o noso centro.

Non vos perdades esta mostra, que atoparedes na entrada do IES.

¡Todos xuntos  pola diversidade!

Novas propostas dos Clubs de Lectura

Iniciamos o segundo trimestre do curso 2025/26, coas novas propostas lectoras dos nosos Clubs de Lectura. 

O Club de Adultos propón o texto de Ledicia Costas "Un animal chamado néboa", un conxunto de relatos onde a ficción se constrúe a partir de diferentes acontecementos sucedidos durante o conflicto bélico da II Guerra Mundial. Acompañaremos a súa lectura coa proxección do film "Vencedores ou vencidos" do director Stanley Kramer , e baseada no xuizo de Nuremberg. Contaremos para a posta en común, co escritor local e crítico de cine Miguel Anxo Fernández, e co profesor de Historia do IES Xesús Témez que nos ilustrarán sobre tan interesante temática e a relación cine-historia.

O Club De Lectura histórica, propón para o segundo trimestre, o texto de Irene Nemirovsky "O caso Kurílov" ambientada nos inicios da Revolución bolchevique na Rusia zarista.

Todas as reunións celebraranse nas dependencias da Biblioteca "Lecer do Ler"

 

Club de Lectura Adultos con Miguel Anxo Fernández

Inauguramos un novo Club de Lectura no IES Nº1 adicado aos adultos (profesores, ex-alumnos e familias), baixo a coordinación da nosa compañeira e profesora de Historia, Nieves  Abelleira.

A primeira sesión contou coa presenza do autor local Miguel Anxo Fernández, quen nos falou dos segredos dos seus libros,especialmente, do libro que abriu a reunión, "Un nicho para Marilyn". Foi todo un pracer contar coa súa presenza e animada conversa.

¡Agardamos con impaciencia a próxima reunión!