Aínda que con certo retraso, o Club de Ciencias e a Biblio "Lecre do Ler", celebramos o Día da Muller e a Nena na Ciencia, coa convocatoria dun Concurso ou Caza do Tesouro baixo o título de "ADIVIÑA QUEN SON". Trátase de buscar información, mediante unha serie de pistas escondidas na biblioteca, sobre a biografía e os datos máis destacados da vida e obra de mulleres científicas de diferentes épocas.
Os gañadores terán como premio un libro ilustrado sobre as vidas de diferentes mulleres destacadas na historia polos seus méritos investigadores e científicos. Pero todos os participantes contarán cun pequeno agasallo.
A Caza do Tesouro celebrarase na biblioteca "Lecer do Ler"os:
- día 7 de Marzo, Xoves, no Primeiro Recreo
- día 8 de marzo, Venres, no Segundo Recreo
Esta convocatoria está aberta a todo o alumnado. Que o desfrutedes.....!!!
Ningún comentario:
Publicar un comentario